Yuxarı

Almaniyada atışmada ölənlərin sayı 11-ə çatıb - YENİLƏNİB - 2

Qəlyanxanada atışma, 8 nəfər öldürüldü

1244

Almaniyada ölənlərin sayı artdı 

Almaniyada 11 nəfərin ölümü ilə nəticələnən atışmanın səbəbi bəlli olub.

“Report” “Bild”ə istinadən xəbər verir ki, atışma ideoloji zəminində törədilib. 

Məlumata görə, hadisəni törətməkdə şübhəli bilinən şəxs ultra-sağçı ideologiyanın tərəfdarı olub. İnsidentdən sonra onun meyiti evindən tapılıb. 

Tobias R. adlı şəxsin etiraf məktubu yazdığı və vida videosu çəkdiyi də qeyd edilib. Nəşrin xəbərinə görə, atışma qurbanlarının əksəriyyəti kürd və türk əsilli şəxslərdir.


*** 10:11

Almaniyanın Hessen əyalətinin Hanau şəhərindəki atışma nəticəsində ölənlərin sayı artıb.

“Report” “Anadolu”ya istinadən xəbər verir ki, hadisədə həyatını itirənlərin sayı 11 nəfərə çatıb.


*** 03:13

Almaniyanın Hessen əyalətinin Hanau şəhərində atışma baş verib.

“Report” “Bild” nəşrinə istinadən xəbər verir ki, silahlı insident zamanı səkkiz nəfər qətlə yetirilib.

Nəşrin məlumatına görə, daha 5 nəfər ağır yaralanıb.

Bildirilib ki, silahlı insident şəhər ərazisində yerləşən iki qəlyanxanada baş verib. 

Atışmadan sonra bir nəfər saxlanılıb. Lakin, hüquq-mühafizə orqanlarının əməkdaşları məlumata münasibət bildirməyib. 

Nəşr hadisə zamanı ölənlərin etnik kürdlər olduğunu ehtimal edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi