Bakı. 19 fevral. REPORT.AZ/ Bazar ertəsi axşam Qahirənin mərkəzində baş vermiş partlayış nəticəsində biri polis əməkdaşı olmaqla 3 nəfər ölüb.
“Report” TASS-a istinadən xəbər verir ki, bu barədə "Al-Hadath" telekanalı məlumat yayıb.
Bildirilir ki, kamikadze Qahirənin mərkəzi rayonlarından birində saxlanılan zaman özünü partladıb. Misirin təhlükəsizlik qüvvələri şübhəli şəxsi Əl-Əzhar universiteti yaxınlığındakı tarixi El-Qamaliyə məhəlləsində təqib ediblər və bu zaman o, üzərində olan partlayıcı qurğunu işə salıb.