Papua - Yeni Qvineyada 6 maqnituda zəlzələ olub

Bakı. 28 fevral. REPORT.AZ/ Papua - Yeni Qvineyanın mərkəzi hissəsində 6 maqnituda zəlzələ qeydə alınıb.

“Report” xəbər verir ki, bu barədə ABŞ-ın Geoloji Xidməti məlumat yayıb.

Yeraltı təkanların ocağı yerin 10 km. dərinliyində olub.

Dağıntı və tələfat barədə məlumat yoxdur.

Fevralın 25-də ölkədə baş vermiş 7,5 maqnituda zəlzələ nəticəsində azı 30 nəfər həyatını itirib.