Ottavada hava ilə əlaqədar fövləqadə vəziyyət elan olunub

Kanadanın paytaxtı Ottava şəhərinin meri Cim Uotson şəhər sakinlərinin mülk və təhlükəsizliyini təhdid edən güclü yağışlar və Ottava çayında suyun səviyyəsində gözlənilən əhəmiyyətli artım səbəbiylə fövqəladə vəziyyət rejimi tətbiq edib.

"Report" RİA "Novosti"yə istinadən xəbər verir ki, bu barədə merin "Twitter"də yazdığı bəyanatda bildirilir.

"Mən Ottava şəhərinin meri olaraq, şəhər sakinlərinin mülkiyyət və sağlamlığını, təhlükəsizlik və əmin-amanlığını müdafiə etmək məqsədi ilə şəhərdə fövqəladə vəziyyət elan edirəm", - deyə o yazıb.

Bəyanatda qeyd olunur ki, şənbə günü paytaxta 25-35 mm-dək yağıntı düşə bilər.