Yuxarı

Burundinin paytaxtı başqa şəhərə köçürüləcək

Ölkənin yeni paytaxtı Gitega olacaq

Bakı. 23 dekabr. REPORT.AZ/ Mərkəzi Afrika dövlətlərindən olan Burundinin paytaxtı köçürüləcək.

"Report" "Anadolu" agentliyinə istinadən xəbər verir ki, bu barədə dövlət başçısı Pyerr Nkurunzizanın sözçüsü Jan Klod Karerşa Ndenzako özünün "Twitter" hesabında yazıb.

O, bildirib ki, ölkənin yeni paytaxtı Gitega olacaq. Hazırkı paytaxt Bujumbura isə iqtisadi mərkəz kimi qalacaq. Prezidentin rəsmi nümayəndəsi yeni ildən etibarən Giteganın paytaxt olaraq qəbul edilməsi ilə bağlı göstəriş aldığını deyib.

Jan Klod Karerşa Ndenzako qeyd edib ki, 2019-cu ildən Nazirlər Şurası Gitegada toplanacaq. İlkin mərhələdə həmin şəhərə 5 nazirlik köçürüləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi