Bakı. 15 dekabr. REPORT.AZ/ ABŞ-da iqtisadçı və iqtisadiyyat üzrə Nobel mükafatı laureatı olan 95 yaşlı Tomas Şellinq vəfat edib.
"Report" "The New York Times"a istinadən xəbər verir ki, onun vəfatı xəbərini mərhumun Merilend Universitetindən olan həmkarı Riçard Zekhauzer təsdiq edib.
Şellinq dekabrın 13-də Merilend ştatının Betesda şəhərindəki evində keçinib.
O, Nobel mükafatını 2005-ci ildə "münaqişə problemi anlayışının genişləndirilməsi və onun oyun nəzəriyyələri çərçivəsində təhlilin köməkliyi ilə kooperasiyası" üzrə gördüyü işə görə layiq görülüb.