Nigeriyada "Boko Haram"ın girovluqda saxladığı mindən çox adam azad olunub

Bakı. 28 fevral. REPORT.AZ/ Nigeriya və Kamerunun Silahlı qüvvələri iki ölkə arasında sərhəddə yerləşən bir neçə kəndin "təmizlənməsi" üzrə əməliyyatlar həyata keçirib.

"Report" TASS-a istinadən xəbər verir ki, birgə əməliyyat zamanı Nigeriyanın şimal-şərqində "Boko Haram" ekstremist qruplaşması tərəfindən girovluqda saxlanılan 1130 nəfər azad olunub.

Toqquşmalar zamanı hərbçilər qruplaşmanın azı 35 silahlısını və gizli silah anbarını məhv ediblər.