Yuxarı

Nepalda hərbi təyyarə qəza enişi edib: ölən və yaralananlar var

Nepalda hərbi təyyarə qəza enişi edib: ölən və yaralananlar var
Pilot yerindəcə ölüb, daha iki hərbçi isə ağır vəziyyətdə xəstəxanaya çatdırılıb

Bakı. 31 may. REPORT.AZ/ Nepalın qərbində hərbi təyyarə qəza enişi edib.

"Report" "TASS"a istinadən xəbər verir ki, bu barədə "Kathmandu Post" qəzeti məlumat yayıb.

Qəzetin məlumatına görə, qəza paytaxtdan 700 kilometr məsafədə yerləşən Bacur dairəsinin Kolti hava limanında baş verib. Belə ki, Polşanın "PZL" firmasının istehsalı olan "M28 Skytruck" hərbi təyyarəsi Humla dağ rayonuna ərzaq məhsulları daşıyarkən qəzaya uğrayıb. Simikota aeroportuna enməli olan təyyarə əlverişsiz hava şəraiti səbəbindən Bacura uçub.

Təyyarə Kolti hava limanında sərt eniş etməsi səbəbindən uçuş-enmə zolağından 50 metr kənara çıxaraq aşıb. Nəticədə pilot yerindəcə ölüb, daha iki hərbçi isə ağır vəziyyətdə xəstəxanaya çatdırılıb.

Qeyd edək ki, bu, son 3 gündə Nepalda baş vermiş ikinci təyyarə qəzasıdır. Mayın 27-də Çexiya istehsalı olan "LET-410" təyyarəsi Lukldakı aeroportda qəzaya uğrayıb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi