Bakı. 28 sentyabr. REPORT.AZ/ Myanmadan Banqladeşə qaçan rohinca müsəlmanlarını daşıyan qayıq batıb.
"Report" "Haberturk"ə istinadən xəbər verir ki, Beynəlxalq Miqrasiya Təşkilatı (BMqT) 130 müsəlmanın olduğu qayığın Benqal körfəzində qəzaya uğradığını bildirib.
Xəbərdə onlardan 16 nəfərinin meyitinin tapıldığı, ikisi qadın olmaqla 4 nəfərin isə xilas edildiyi vurğulanıb. Ölənlərin əksəriyyəti uşaqlardır.
Hazırda onlarla insan itkin düşmüş sayılır.