Meksikada gizli məzarlıqda 6 cəsəd aşkar edilib

Bakı. 20 iyul. REPORT.AZ/ Meksikanın Xaliskо ştatındakı gizli məzarlıqda 6 cəsəd tapılıb.  

"Report" xəbər verir ki, bunu jurnalistlərə açıqlamasında ştatın prokuroru Raul Sançes deyib.  

Onun sözlərinə görə, cəsədlərdən 5-i kişinin, 1-i isə qadınındır. 

Qeyd edək ki, narkomafiya arasında müharibənin getdiyi Meksikada bu cür hadisələr adi hala çevrilib. Əvvəllər daha dəhşətli tapıntılar Gerrero, Verakrus və Morelos ştatlarında aşkarlanıb.