Liviya sahillərində 100-dən çox miqrant xilas edilib

Bakı. 26 noyabr. REPORT.AZ/ Liviyanın sahil mühafizə xidməti Avropaya yol alan 113 miqrantı xilas edib.

"Report" "İnterfaks"a istinadən xəbər verir ki, miqrantlar Liviyanın paytaxtı Tripolinin qərbində yerləşən Sabrata şəhərinin yaxınlığında xilas ediliblər. Onlar arasında 17 qadın və 4 uşaq da var.

Aralıq dənizini keçərək Avropaya getmək istəyən miqrantlara zəruri tibbi yardım göstərilib.

Hazırda onlar Liviyanın Əz-Zaviya şəhərindəki müvəqqəti yerləşdirmə mərkəzindədirlər.