Yuxarı

Koronavirus Avropada yayılmaqda davam edir

​Koronavirus Avropada yayılmaqda davam edir

© Getty

Avropada son sutka ərzində Gürcüstan, Danimarka və Estoniyanın ardından Rumıniyada da yeni növ koronavirusa yoluxma halı qeydə alınıb.

“Report” TASS-a istinadən xəbər verir ki, bu barədə məlumatı Rumıniyanın Səhiyyə naziri Viktor Kostake Daxili İşlər Nazirliyindəki təcili mətbuat konfransında verib.

Nazirin sözlərinə görə, virusa yoluxan şəxs ölkənin cənub-şərqindəki Qorj mahalının sakinidir və o, fevralın 18-22-də mahala gələn Rimini şəhərindən olan İtaliya vətəndaşı ilə təmasda olub. Rumıniyalının vəziyyəti qənaətbəxşdir, xəstəlik əlamətləri sezilmir.

Xatırladaq ki, dünən Ümumdünya Səhiyyə Təşkilatının (ÜST) Avropa üzrə regional ofisinin direktoru Hans Klüge yeni növ koronavirusun Avropanın 13 ölkəsində yayıldığını açıqlamışdı. Başqa sözlə, virusa yoluxma halları qeydə alınan Avropa ölkələrinin sayı artıq 17-yə çatıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi