Bakı. 19 iyul. REPORT.AZ/ G20-nin Almaniyanın Hamburq şəhərində keçirilən sammiti zamanı Rusiya və ABŞ liderləri arasında iki görüş baş tutub.
"Report" xəbər verir ki, bundan əvvəl prezidentlərin yalnız bir dəfə görüşdüyü məlum idi.
Amerika KİV-lərinin Ağ evdəki mənbəyə istinadən yaydıqları məlumata görə, onlar ikinci dəfə iyulun 7-də şam yeməyi zamanı bir araya gəliblər.
Amerika Administrasiyası nümayəndəsinin məlumatına görə, şam yeməyinin təqribən ortalarında ABŞ prezidenti Donald Tramp öz yerindən qalxaraq Rusiya prezidenti Vladimir Putinin yanında əyləşib.
Bildirilir ki, Amerika lideri həmin zaman tək olub, Rusiya prezidentinin yanında isə tərcüməçisi olub.