Bakı. 9 iyun. REPORT.AZ/ İtaliyanın yeni baş naziri Cüzeppe Kontinin ABŞ prezidenti Donald Trampla ilk dəfə görüşü "Böyük yeddilər"in Kanadada keçirilən sammitində baş tutub.
"Report" xəbər verir ki, iki ölkə liderinin bir-birinin əlinin sıxması fotosunu Konte özünün "facebook" səhifəsində yerləşdirib.
Fotonun altında belə bir qeyd var: "Tarixi alyans, yeni dostluq". Fotoda Trampın gülümsəyən Kontenin əlini sıxması, eyni zamanda onu barmağı ilə göstərməsi əks olunub. Bundan əlavə, onlar bir-birlərinə deyil, ola bilsin, kameraların obyektivinə baxırlar.