İsrail tankları HƏMAS-ın müşahidə məntəqəsini atəşə tutub

Bakı. 18 aprel. REPORT.AZ/ İsrail ordusu Qəzza zolağı ilə sərhəddə hərbçilərinin atəşə tutulmasına cavab olaraq HƏMAS hərəkatının mövqelərinə hücum edib.

“Report” RİA "Novosti"yə istinadən xəbər verir ki, bu barədə "Qaarets" qəzeti yazıb.

Nəşrin məlumatına görə, çərşənbə axşamı İsrail gözətçiləri anklavın cənub sərhədi ərazisində atəşə tutulub. Nəticədə hərbçilər arasında zərərçəkən olmayıb.

Qəzetin yazdığına görə, İsrail tankları buna cavab olaraq HƏMAS-ın müşahidə məntəqəsinə atəş açıb.