Yuxarı

İŞİD İraqda polis postuna hücum edib: ölənlər və yaralananlar var

İŞİD İraqda polis postuna hücum edib: ölənlər və yaralananlar var
Hücum zamanı daha 9 nəfər yaralanıb

Bakı. 17 avqust. REPORT.AZ/ İŞİD terrorçuları İraqın Səlahəddin vilayətinin Bayci şəhərində polis postuna hücum edib.

"Report" xəbər verir ki, bu barədə "Anadolu" agentliyi məlumat yayıb.

İraq ordusunun zabiti Yasir ət-Temimi agentliyə verdiyi məlumatda bildirib ki, təhlükəsizlik qüvvələri ilə terrorçular arasında baş vermiş atışmada 7 nəfər həlak olub, 9 nəfər yaralanıb. İraqın təhlükəsizlik orqanındakı mənbə ərazidə təhlükəsizlik tədbirlərinin gücləndirildiyini xəbər verib. Hakimiyyət orqanları yerli sakinlərdən evlərini tərk etməməyi xahiş edib.

Bayci şəhəri paytaxt Bağdaddan 280 kilometr məsafədə yerləşir. Şəhər 2015-ci ildə İŞİD-dən azad edilib. Burada İraqın ən böyük neft emalı zavodu fəaliyyət göstərir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi