Hindistanda koronavirusa yoluxanların sayı 21 mini ötdü

Hindistanda koronavirusa yoluxanların sayı artıb.

“Report”un “RİA Novosti”yə istinadən məlumatına görə, bu barədə ölkənin Səhiyyə və Ailə Rifahı Nazirliyi bildirib.

Qeyd edilir ki, hazırda ölkədə 21 393 koronavirus xəstəsi var.

Ölkədə 16 454 xəstə müalicə alır, 4 257 nəfər isə sağalıb. Bununla yanaşı 681 nəfər, eləcə də ölkədən getmiş 1 xəstə pandemiyanın qurbanı olub.

Hindistanda koronavirusa ən çox yoluxma ölkənin mərkəzindəki Mahraştra ştatında aşkar edilib. 

Burada 5 652 nəfər virus daşıyıcısıdır. Paytaxt Dehlidə 2 248 yoluxma təsdiqlənib.