Yuxarı

Hindistan məhkəməsi seçkilərdə dini şüarlardan istifadəni qadağan edib

Hindistan məhkəməsi seçkilərdə dini şüarlardan istifadəni qadağan edib
Qərar ölkənin bir sıra ştatlarında qanunverici yığıncaqlara seçkilər ərəfəsində qəbul olunub

Bakı. 3 yanvar. REPORT.AZ/ Hindistan Ali Məhkəməsi yanvarın 2-də siyasətçilərin səs toplamaq məqsədilə seçkiqabağı kampaniya zamanı din və ya kasta mənsubiyyəti məsələlərindən istifadə etməməsi haqqında qərar verib.

"Report" TASS-a istinadən xəbər verir ki, qərar yerli namizədlərin dini şüarlardan fəal şəkildə istifadə etdikləri ölkənin bir sıra ştatlarında qanunverici yığıncaqlara seçkilər ərəfəsində qəbul olunub. 

"Heç bir siyasətçi kasta, inanc və ya dindən istifadə etməklə səs toplaya bilməz. Seçki prosesi dünyəvi prosesdir. Dövlət və dinin qarışdırılması konstitusiyaya ziddir", - Ali Məhkəmənin sədri Tiratx Sinqx Txakurun deyib. 

Ali Məhkəmə hesab edir ki, seçkiqabağı kampaniyalarda din, kasta, irq, icma və ya dil mənsubiyyəti ilə bağlı şüarların istifadəsi qanunaziddir: "İstənilən seçki kampaniyası ölkə konstitusiyasının dünyəvi xarakterinə uyğun olmalıdır". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi