Yuxarı

Gürcüstan XİN başçısı: "İşğal olunmuş ərazilərə de-fakto nəzarət edənlərə təsir göstərilməlidir"

Gürcüstan XİN başçısı: "İşğal olunmuş ərazilərə de-fakto nəzarət edənlərə təsir göstərilməlidir"

"Münaqişələr və dondurulmuş münaqişələr Avropa Şurası Nazirlər Komitəsini çox narahat edir".

"Report"un Fransa bürosu xəbər verir ki, bunu AŞPA-nın qış sessiyasında Gürcüstanın xarici işlər naziri David Zalkaliani deyib.

Nazir bildirib ki, həlli tapılmamış münaqişələrin həlli zamanı beynəlxalq prinsiplər əsas tutulmalıdır: “İşğal olunmuş ərazilərə de-fakto nəzarət edən tərəflərə təsir göstərilməlidir. Onlar bu dəvəquşu siyasətlərini həyata keçirməyə son qoymalıdırlar. Yoxsa bu işğalçı tərəflərin fəaliyyətini daha da genişləndirə bilər".

"Çox vacibdir ki, münaqişədə olan tərəflər barışığa çalışsınlar. Münaqişəli tərəflər arasında bir-birlərinə inamın yaranması vacib məsələlərdəndir", - nazir vurğulayıb.

Xatırladaq ki, Gürcüstan 2019-cu ilin noyabr ayından 2020-ci ilin may ayına kimi Avropa Şurası Nazirlər Komitəsinin prezidenti vəzifəsini həyata keçirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi