Yuxarı

Dövlət Departamenti Suriyadakı atəşkəs razılaşmasını alqışlayır

​Dövlət Departamenti Suriyadakı atəşkəs razılaşmasını alqışlayır

ABŞ hakimiyyəti Suriyanın şimal-qərbində yerləşən İdlib əyalətində Suriya qoşunları ilə ölkənin silahlı müxalifət dəstələri arasında əldə olunan atəşkəs razılaşmasını alqışlayır.

"Report" xəbər verir ki, bu barədə Dövlət Departamentinin mətbuat xidmətinin rəhbəri Morgan Ortequsun verdiyi açıqlamada deyilir.

“ABŞ Suriyanın şimal-qərbində atəşkəs elan edilməsi barədə xəbəri alqışlayır. Çünki mülki şəxslərə və mülki infrastrukturlara hücumların dayandırılması həqiqətən vacibdir. Bu vacib məqsədə çatmaq üçün göstərilən bütün səylərə görə minnətdar olacağıq”-deyə, açıqlamada qeyd olunub.

Ortequs eyni zamanda ABŞ-ın atəşkəs rejimini bərpa etmək üçün birlikdə çalışan Türkiyə və Rusiyanın səylərini də yüksək qiymətləndirdiyini qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi