Bakı. 29 iyun. REPORT.AZ/ Avropa İttifaqının (Aİ) növbəti sammiti sentyabrın 16-da Bratislavada keçiriləcək.
"Report" xəbər verir ki, bu barədə Aİ-nin sammitinin yekunlarına dair danışarkən Avropa Şurasının sədri Donald Tusk məlumat verib.
D.Tuskun sözlərinə görə, Aİ-yə üzv olan 27 ölkənin liderlərinin hamısı belə qərara gəlib ki, Böyük Britaniya tərəfdən Aİ-dən çıxmaqla bağlı rəsmi bildiriş gəlməyənə qədər Londonla danışıqlar başlamayacaq.
Xatırladaq ki, bu, Böyük Britaniyada Aİ-dən çıxmaq ilə bağlı referendumun keçirilməsindən sonra ilk sammit olacaq.