Yuxarı

Donald Tramp səfir vəzifəsinə qadın çantaları üzrə dizayneri təklif edib

Donald Tramp səfir vəzifəsinə qadın çantaları üzrə dizayneri təklif edib
© Zakon.kz

Bakı. 15 noyabr. REPORT.AZ/ ABŞ Prezidenti Donald Tramp Cənubi Afrikara Respublikasına səfir vəzifəsinə dizayner Lana Marksın təyin olunmasını təklif edib.

"Report" xəbər verir ki, bu barədə CNN telekanalı məlumat yayıb.

Qeyd olunur ki, L.Marks timsah və dəvəquşu kimi ekzotik heyvanlardan hazırlanmış lüks dəri çantaları hazırlamaqla məşhurdur. Çantaların qiymətləri 19 min dollardan başlayır. Bundan başqa, o, D.Trampın "Mar-a-Lago" qolf klubunun üzvüdür.

Klubdakı mənbənin sözlərinə görə, L.Marks Cənubi Afrikada anadan olub, Vitvatersrand Universitetində, eləcə də Yohannesburqda Personalın İdarəolunması İnstitutunda oxuyub. 

Ağ evdən bildirilib ki, dizayner Cənubi Afrikanın rəsmi dillərindən olan afrikaans və kosa dillərində sərbəst danışır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi