Demokrat namizədlər ABŞ qoşunlarının Əfqanıstandan çıxarılmasının tərəfdarıdırlar

Demokratlar Partiyasından prezidentliyə namizədlər ABŞ qoşunlarının Əfqanıstandan çıxarılmasına çağırıblar.

"Report" "RİA Novosti" yə istinadən xəbər verir ki, onlar bunu cümə axşamı keçirilən debatda deyiblər.

"Silahlı qüvvələrimizdən hərbi yolla həll edilə bilməyən problemləri həll etməyi tələb etməyə davam edə bilmərik. Bomba ilə bir həllə nail ola bilmərik", - deyə senator Elizabet Uorren televiziya debatı zamanı bildirib.

"Mən Əfqanıstanda qoşun sayının artmasının əleyhinə idim. Bizə orada qoşun lazım deyil, mən onları evlərinə qaytaracağam", - deyə öz növbəsində Ci Bayden söyləyib. Onun sözlərinə görə, o, vitse-prezident olanda hərbçilərlə bu mövzuda çox mübahisə edib.