Çində avtomobil piyadalara çırpılıb, ölənlər və yaralananlar var

Çinin cənubunda Quandun əyalətindəki Şenjen şəhərində bir avtomobil sürücüsü idarəetməni itirərək maşını yolu keçən piyadaların üzərinə sürüb.

“Report” “That’s Mags”a istinadən xəbər verir ki, hadisə nəticəsində üç nəfər ölüb, bir neçə nəfər də xasarət alaraq xəstəxanaya çatdırılıb. 

Polisin saxladığı 23 yaşlı sürücünün içkili olmadığı ortaya çıxıb.

İlkin ehtimala görə sürücü ani naxoşluq üzündən avtomobilə nəzarəti itirib.