Yuxarı

Britaniyada Tənhalıq üzrə Nazirlik yaradılıb

© REUTERS/ Richard Pohle

Bakı. 17 yanvar. REPORT.AZ/ Britaniyanın baş naziri Tereza Mey Tənhalıq üzrə Nazirlik yaradıb.

"Report" "RİA Novosti"yə istinadən xəbər verir ki, bu vəzifəyə Britaniya parlamentinin idman və vətəndaş cəmiyyəti üzrə nazirinin müavini Treysi Krauç təyin edilib.

“Müasir həyatda çoxlu sayda tənha insanın olması kədərli reallıqdır. Cəmiyyətimiz və hamımızın xatirinə mən bu problemlə mübarizə aparmaq, yaşlı insanlara tənhalığı unutdurmaq, başqa sözlə, yaxınlarını, himayədarlarını itirən, danışıb dərdləşmək, öz fikrini və təcrübəsini bölüşmək üçün adam tapmayanlara yardım etmək istəyirəm”, - Tereza Mey vurğulayıb.

Britaniya “Qızıl Xaç” Cəmiyyətinin məlumatına əsasən, 65,6 milyonluq ölkə əhalisinin 9 milyondan çoxu qismən və ya daima tənha yaşayır. Cəmiyyət bunu “qapalı epidemiya” halı adlandırır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu bölməyə aid digər xəbərlər

Digər xəbərlər>

Xəbər lenti

Son xəbərlər



Orphus sistemi