Braziliyada COVID-19-a yoluxanların sayı 200 mini ötdü

Braziliyada ötən gün ərzində 844 nəfər koronavirus infeksiyasının qurbanı olub.

“Report” xəbər verir ki, bu barədə TASS ölkənin rəsmi statistik məlumatlarına istinadən bildirib.

Qeyd edilir ki, bununla da COVID-19-dan ölüm hallarının ümumi sayı 13 993-ə çatıb.

Məlumata görə, Braziliyada koronavirusa yoluxma ilə bağlı aşkar edilmiş halların sayı 202 918-ə çatıb. Bununla yanaşı, ölkədə koronavirusa yoluxan 79 497 nəfər sağalıb. 

Dünyada COVID-19-a yoluxma nəticəsində ölənlərin sayı 300 783 nəfər təşkil edir, pandemiya ərzində 4 488 185 insan koronavirusa yoluxub.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.