Braziliyada bəndin dağılması nəticəsində ölənlərin sayı 165 nəfərə çatıb

Bakı. 11 fevral. REPORT.AZ/ Braziliyanın Minas-Jerays ştatında "Vale" şirkətinə məxsus bəndin dağılması nəticəsində ölənlərin sayı 165 nəfərə çatıb.

“Report” RİA "Novosti"yə istinadən xəbər verir ki, bu barədə "G1" portalı məlumat yayıb.

Məlumata görə, 156 nəfərin şəxsiyyəti tanınıb. 165 nəfər hələ də, itkin düşmüş hesab olunur. Axtarış işlərində 11 uçan aparat, 35 maşın və 352 hərbçi iştirak edir.

Daha əvvəl 157 nəfərin öldüyü məlum idi.