Yuxarı
    Bağlamaq

    BMT Baş Assambleyasının 72-ci sessiyasında müzakirələr başlayıb

    Baş katib: Birləşmiş Millətlər Təşkilatı ciddi çağırışlarla üzləşir© AFP

    Bakı. 19 sentyabr. REPORT.AZ/ "Dünyada qeyri-sabitlik və münaqişələr dərinləşir. Lakin bu prosesi aradan qaldırmaq mümkündür".

    "Report"un TASS-a istinadən verdiyi xəbərə görə, bunu BMT-nin baş katibi Antonio Qutteriş Nyu-Yorkda BMT Baş Assambleyasının 72-ci sessiyasında ümumsiyasi müzakirələrərin açılışı zamanı deyib.

    "Birləşmiş Millətlər Təşkilatı ciddi çağırışlarla üzləşir. İnsanlar çətinlik çəkir və əziyyət içindədir. Onlar təhlükəsizlik sahəsinin pisləşdiyinin, bərabərsizliyin, münaqişələrin dərinləşməsinin, iqlimin dəyişməsinin şahidi olurlar. Bütün bunlara baxmayaraq, biz sülhə nail ola biləcəyik", - baş katib bildirib.

    A.Qutteriş vurğulayıb ki, Suriyada, Yəməndə, Əfqanıstanda baş verən münaqişə və böhranları yalnız siyasi yolla həll etmək lazımdır: "Biz xaos yaradan və ekstremist münaqişələri həll etməyənədək terrorun kökünü kəsə bilməyəcəyik". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi