Yuxarı

Bill və Hillari Klinton Trampın andiçmə mərasimində iştirak edəcək

Bill və Hillari Klinton Trampın andiçmə mərasimində iştirak edəcək
Mərasim yanvarın 20-si Vaşinqtonda keçiriləcək

Bakı. 4 yanvar. REPORT.AZ/ ABŞ-ın sabiq prezidenti Bill Klinton və həyat yoldaşı Hillari Klinton ilə seçkilərdə qalib gəlmiş Donald Trampın andiçmə mərasimində iştirak etmək üçün Vaşinqtona gedəcək.

"Report" xəbər verir ki, bu barədə CNN telekanalı məlumat yayıb.

Klinton cütündən savayı mərasimə ABŞ-ın 43-cü prezidenti kiçik Corc Buş da həyat yoldaşı Lora ilə qatılacaq.

"The Hill" nəşri yazır ki, bunadək ölkənin 39-cu prezidenti Cimmi Karter də mərasimdə iştirak etmək niyyətində olduğunu bildirib.

Hazırda sağ olan ABŞ prezidentlərindən yalnız böyük Corc Buş (41-ci) səhhəti ilə əlaqədar olaraq mərasimə qatıla bilməyəcək.

Rəsmən 45-ci prezident olacaq Donald Trampın andiçmə mərasimi yanvarın 20-si Vaşinqtonda keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi