Yuxarı

Avstriyada istefada olan zabit Rusiya kəşfiyyatına işləməkdə ittiham olunur

Avstriyada istefada olan zabit Rusiya kəşfiyyatına işləməkdə ittiham olunur

Bakı. 9 noyabr. REPORT.AZ/ Ötən gün Avstriya Hərbi Əks-Kəşfiyyat Xidməti 20 ildir Rusiyaya strateji məlumatlar ötürən 70 yaşlı istefada olan polkovniki saxlayıb.

“Report” TASS-a istinadən xəbər verir ki, bu barədə Avstriya Müdafiə Nazirliyindən “Kronen Zeitung” qəzetinə məlumat verilib. 

Nəşrin yazdığına görə, 90-ci illərin axırlarından etibarən miqrasiya böhranı, habelə hərbi aviasiya və artileriya sistemləri haqqında Rusiya hərbi kəşfiyyatına məlumatlar ötürən zalsburqlu keçmiş zabit bunun müqabilində 300 min avroya yaxın pul alıb. 

Yazıda qeyd olunub ki, hər iki həftədən bir Rusiya kəşfiyyatının əməkdaşı ilə görüşərək ona məxfi sənədlər çatdıran şübhəliyə qarşı prokurorluq tərəfindən cinayət işi açılıb. 

Avstriyada xarici kəşfiyyatla əməkdaşlıqla bağlı maddəyə görə iki ilədək həbs cəzası nəzərdə tutulur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi