Almaniyada COVID-19-la bağlı son vəziyyət açıqlandı

Almaniyada daha 2 352 nəfərdə koronavirus aşkarlanıb.

“Report” xarici KİV-ə istinadən xəbər verir ki, ölkə ərazisində son bir gündə 215 nəfər pandemiyanın qurbanı olub.

Beləliklə, Almaniyada COVID-19 daşıyıcılarının sayı 148 016-ya, virusdan ölənlərin sayı isə 5 094-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.