ABŞ Tramp-Kim Çen In görüşü üçün şərtini açıqlayıb

ABŞ Prezidenti Donald Tramp Şimali Koreya lideri Kim Çen In ilə daha bir görüş keçirməyə hazırdır, amma amerikalıların şərti var.

“Report” “İnterfaks”a istinadən xəbər verir ki, bu barədə ABŞ prezidentinin milli təhlükəsizlik üzrə müşaviri Robert Obrayen Vaşinqtonda Atlantik Şurasında bildirib.

Onun sözlərinə görə, KXDR liderinin Sinqapurda üzərinə götürdüyü öhdəlikləri yerinə yetirməyə başlayacağı təqdirdə danışıqların davam etməsi mümkündür. 

“Amma hazırda Tramp və Kim Çen In arasında yeni sammit üçün planlar yoxdur”, - müşavir əlavə edib.