ABŞ mətbuatı Ağ Evdə növbəti istefanın olacağı barədə məlumat yayıb

Bakı. 9 aprel. REPORT.AZ/ ABŞ-ın Ağ Ev yanında Milli Təhlükəsizlik Şurasının nümayəndəsi Maykl Enton vəzifəsindən istefa verəcək.

"Report" xəbər verir ki, bu barədə "Hill" yüksək vəzifəli məmura istinadən məlumat yayıb.

Nəşr yazıb ki, bazar günü telefon danışığında ABŞ prezidenti Donald Tramp Entona xidmətinə görə təşəkkür edib. Dövlət başçısı həmçinin onun gedişi ilə əlaqədar təəssüfünü ifadə edib.

"Politico" qəzeti isə Maykl Entonun Vaşinqondakı kollecdə müəllim işləyəcəyini bildirib.