Bakı. 29 sentyabr. REPORT.AZ/ ABŞ Kubadakı səfirliyinin əməkdaşlarının sayını azaldıb, ölkə vətəndaşlarına viza verilişini dayandırıb.
"Report" "RİA Novosti"yə istinadən xəbər verir ki, buna səbəb son aylar ərzində 21 amerikalı işçinin akustik hücumlara məruz qalmasıdır.
Faktla bağlı araşdırma aparılır.
ABŞ Dövlət Departamentinin nümayəndəsi jurnalistlərə Kuba diplomatların təhlükəsizliyinə təminat verməyənədək ABŞ səfirliyinin yalnız zəruri personalla çalışacağını bildirib.