Bakı. 1 May. REPORT.AZ/ ABŞ Konqresinin silahlı qüvvələr üzrə komitəsi Ukraynaya hərbi yardım göstərilməsi barədə yeni qanun layihəsi təstiqləyib.
"Report" BBC-yə istinadən xəbər verir ki, amerikalı qanunvericilər Ukraynanın bəzi növ silahlara, o cümlədən tank əleyhinə raketlərə, pilotsuz uçan aparatlara, radio-elektron mübarizə vasitələrinə və zirehli avtomobillərə ehtiyacı olduğunu bildirərək, rəsmi Kiyevə "Rusiyanın təcavüzünə qarşı" 200 milyon dollar həcmində yardım ayrılmasına qərar veriblər.
Qərarı 30 komitə üzvü dəstəkləyib, 2 nəfər qarşı çıxıb.
Qeyd edək ki, bu qanun layihəsinə may ayı ərzində Nümayəndələr Palatasında baxılacaq.