ABŞ İraqa göstərilən yardımı genişləndirəcək

Bakı. 24 yanvar. REPORT.AZ/ ABŞ-ın yeni prezidenti Donald Trampın administrasiyası Bağdada İraqa yardımın genişləndirilməsi barədə təklif göndərib.

"Report" "Reuters"ə istinadən xəbər verir ki, bu barədə İraqın baş naziri Heydər əl-Abadi məlumat verib.

O, söhbətin hansı yardımdan getdiyini dəqiqləşdirməyib.

"Mənə Tramp tərəfindən İraqa yardımın davam etdiriləcəyinə və onun genişləndiriləcəyinə dair təminat verilib", — deyə baş nazir Bağdadda keçirdiyi mətbuat konfransında bildirib.