ABŞ-da soyuqlar nəticəsində 12 nəfər ölüb

Bakı. 1 fevral. REPORT.AZ/ ABŞ-ın Orta Qərbində güclü qar ilə müşayiət olunan şaxtalar 12 nəfərin ölümünə səbəb olub.

“Report” TASS-a istinadən xəbər verir ki, bu barədə cümə axşamı yerli hakimiyyət orqanlarına istinadən "Reuters" məlumat yayıb.

Ən aşağı temperatur Minnesota ştatının İnterneşnl-Folls şəhərində qeydə alınıb – mənfi 42,8 dərəcə. İllinoys ştatında temperatur mənfi 36 dərəcəyə düşüb.