ABŞ-da restoranda naməlum şəxs atəş açıb, ölən və yaralananlar var

Bakı. 7 mart. REPORT.AZ/ ABŞ-ın Alabama ştatının Hörtsboro şəhərindəki "City Grill Cafe" restoranında naməlum şəxs atəş açıb, 1 nəfər ölüb, 3 nəfər yaralanıb.

"Report"un verdiyi məlumata görə, bu barədə WRBL telekanalı yerli polisə istinadən xəbər verir.

Ölən şəxsin restoranın sahibi olduğu bildirilir.

İlkin ehtimallara görə, atəş ruhi xəstəlikdən əziyyət çəkən yerli sakin tərəfindən açılıb.