ABŞ-da qasırğa nəticəsində 4 nəfər ölüb

Bakı. 21 yanvar. REPORT.AZ/ ABŞ-ın Missisipi ştatında baş verən qasırğa nəticəsində 4 nəfər həyatını itirib.

“Report” xəbər verir ki, bu barədə “Associated Press” məlumat yayıb.

Ölənlərin hamısı Hattisberq şəhərinin sakinləri olub. Xilasedicilər və polis axtarış işlərini davam etdirir. Yerli hakimiyyət ciddi dağıntının qeydə alındığını, əsas avtomobil yollarından birinin bağlandığını xəbər verib.