Yuxarı

​ABŞ-da məktəbli avtobusu atəşə tutulub

​ABŞ-da məktəbli avtobusu atəşə tutulub
Hadisə nəticəsində iki məktəbli qız yaralanıb

Bakı. 15 may. REPORT.AZ/ Amerikanın Florida ştatının Ceksonvil şəhərində naməlum şəxslər uşaqları aparan məktəbli avtobusunu atəşə tutublar.

"Report" xəbər verir ki, bu barədə "The Florida Times-Union" qəzeti yazıb.

İnsident nəticəsində 14 və 15 yaşlı iki qız yüngül yaralanıb, onların həyatı üçün heç bir təhlükə yoxdur.

Qeyd olunur ki, avtobus uşaqları evlərinə aparırmış. Atəş açılan zaman nəqliyyat vasitəsində müxtəlif tədris müəssisəsinin 30 şagirdi olub.

Polis iki şübhəli şəxsi axtarır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi