Yuxarı

ABŞ 1000 hərbi qulluqçusunu Suriyanın şimalından çıxarır

​ABŞ 1000 hərbi qulluqçusunu Suriyanın şimalından çıxarır

ABŞ Türkiyənin antiterror əməliyyatı ilə əlaqədar özünün Suriyanın şimalındakı 1000 hərbi qulluqçusunun çıxarılmasına başlayır.

"Report" xəbər verir ki, bu barədə CBS telekanalına müsahibəsində ABŞ-ın müdafiə naziri Mark Esper bildirib.

Onun sözlərinə görə, ABŞ son günlər ərzində bilib ki, Türkiyə əvvəlcə planlaşdırıldığı ilə müqayisədə Suriyadakı əməliyyatın miqyasını həm cənuba, həm də qərbə doğru genişləndirmək niyyətindədir.

Mark Esper qeyd edib ki, bununla əlaqədar Suriyadakı Amerika qüvvələri "iki ordunun arasında sıxılmış" qalıb.

"Bu səbəbdən mən dünən gecə prezidentlə danışdım və o göstərişi verdi ki, biz əvvəlcədən Suriyanın şimalından qoşunların çıxarılmasına başlayaq", - deyə Pentaqon rəhbəri bildirib.

Mark Esperin sözlərinə görə, söhbət regionda qalan təxminən 1000 ABŞ hərbi qulluqçusundan gedir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi