DÇ-2022: Sadio Mane Seneqal millisinin yekun heyətində yer alıb

Almaniyanın "Bavariya" klubunun futbolçusu Sadio Mane bu il Qətərdə keçiriləcək dünya çempionatı üçün Seneqal millisinə dəvət alıb.

"Report"un məlumatına görə, 30 yaşlı hücumçu yekun siyahıya daxil edilib.

Daha əvvəl Manenin zədə səbəbindən mundialı buraxacağı bildirilib.

Qeyd edək ki, DÇ-2022 noyabrın 20-dən dekabrın 18-dək təşkil olunacaq. Seneqal A qrupunda Qətər, Ekvador və Niderlanla mübarizə aparacaq.