DÇ-2022: Fransalı futbolçu komanda yoldaşını zədələdiyi üçün irqçiliyə məruz qalıb

Fransa millisinin futbolçusu Eduardo Kamavinqa Qətərdə keçiriləcək dünya çempionatından əvvəl irqçiliyə məruz qalıb.

"Report" "L`Equipe" nəşrinə istinadən xəbər verir ki, buna 20 yaşlı yarımmüdafiəçinin məşqdə komanda yoldaşı Kristofer Nkunkuya ehtiyatsızlıqdan xəsarət yetirməsi səbəb olub.

Kamavinqa bundan sonra sosial şəbəkələrdə təhqiredici mesajlar alıb.

Nkunku zədə səbəbindən mundialı buraxacaq və onun yerinə yığmaya Randal Kolo Muani dəvət alıb.

Qeyd edək ki, Fransa yığması noyabrın 20-dən dekabrın 18-dək təşkil olunacaq mundialda Danimarka, Avstraliya və Tunis ilə birlikdə D qrupunda mübarizə aparacaq.