"Bavariya"nın futbolçusu Almaniya millisinin tarixinə düşüb

"Bavariya" klubunun futbolçusu Camal Musiala 64 ildən sonra Almaniya millisinin tarixinə düşüb.

"Report"un məlumatına görə, 19 yaşlı yarımmüdafiəçi buna Qətərdə keçirilən dünya çempionatının I turunda Yaponiyaya qarşı matçda meydana çıxmaqla nail olub.

Musiala 19 yaş 270 günündə mundialda iştirak edib.

O, 1958-ci ildə bunu bacaran Karl-Haynts Şnellingerdən (19 yaş 72 gün) sonra ən gənc oyunçu adına sahib çıxıb.