Türkmənistanın Baş müftisi: “Tarixən türk xalqlarını möhkəm bağlar birləşdirir”

“Tarixən türk xalqlarını çox möhkəm bağlar - ortaq kök, vahid din, oxşar mədəniyyət birləşdirir”.

“Report” xəbər verir ki, bunu Türkmənistanın baş müftisi Yalkab Xocaquliyev “Türk-İslam irsinin zənginliyi və onun zamanımızın aktual problemləri qarşısında dəyəri” mövzusunda keçirilən konfransda deyib.

O, bu gün Bakıda keçirilən konfransın türk xalqlarının mənafeyinə yönəlmiş məsələlərin həllinə böyük töhfə verəcəyinə və daha geniş qarşılıqlı anlaşmaya imkan verəcəyinə əminliyini ifadə edib.

Baş müftinin sözlərinə görə, türk dillərində yaradılmış bütün əsərlər ümumi elmi və ədəbi irsdir.