QMİ koronavirusla bağlı məscidlərə tapşırıq verib

Qafqaz Müsəlmanları İdarəsi (QMİ) koronavirus təhlükəsinin yayılmasının qarşısının alınması istiqamətində həyata keçirilən tədbirlər çərçivəsində Azərbaycanda məscid və dini ibadətgahlara tapşırıqlar verib.

Bu barədə "Report"a QMİ-nin sədr müavini Fuad Nurullayev məlumat verib.

O bildirib ki, koronavirus xəstəliyinin Azərbaycan ərazisində yarada biləcəyi təhlükənin qarşısının alınması, profilaktik tədbirlərin həyata keçirilməsi nəzərə alınaraq insanların camaat namazları ilə əlaqədar kütləvi şəkildə ibadət etməsi ilə bağlı məscid rəhbərlərinə və imamlara müvafiq göstərişlər verilib. 

Sədr müavini məscidlərə gedən dindarlara müraciət edərək gigiyenik qaydalara riayət olunmasını tövsiyə edib.