Hacı Şahin Həsənli “Qurd qapısı” qəbiristanlığında dəfn olunacaq - YENİLƏNİB

Qafqaz Müsəlmanları İdarəsi (QMİ) sədrinin səlahiyyətli nümayəndəsi, din xadimi Hacı Şahin Həsənlinin dəfn yeri açıqlanıb.

“Əjdərbəy” məscidinin icma sədri Hacı Həmdüllah Babayev “Report”a açıqlamasında bildirib ki, o, saat 16.00-da “Qurd qapısı” qəbiristanlığında torpağa tapşırılacaq.

Qeyd edək ki, din xadimi səhər saatlarında 48 yaşında ürəktutmasından vəfat edib.

10.06

Məşədi Dadaş məscidində Qafqaz Müsəlmanları İdarəsi (QMİ) sədrinin səlahiyyətli nümayəndəsi, din xadimi Hacı Şahin Həsənli ilə vida mərasimi keçirilir.

“Report” xəbər verir ki, mərhum son mənzilə Məşədi Dadaş məscidindən yola salınacaq.

Hacı Şahin Həsənlinin cənazəsi hazırda həmin məsciddədir.