Gürcüstan Müsəlmanları İdarəsinə sədr seçkisi keçirilib

Tbilisi. 24 dekabr. REPORT.AZ/ Gürcüstan Müsəlmanları İdarəsinin (GMİ) Ali Dini Şurasının toplantısı keçirilib.

“Report”un Gürcüstan bürosunun verdiyi xəbərə görə, toplantıda GMİ-nin hazırkı sədri Şeyx Hacı Ramin İgidov 16 səslə növbəti 5 il müddətinə qurumun sədri seçilib.

İdarənin rəhbəri vəzifəsinə R.İgidovla yanaşı, Rahid Kərimov və Namiq Hüseynov da namizəd olublar.

Səsvermədə idarənin Ali Dini Çurasının 21 üzvündən 17-si iştirak edib.

Qeyd edək ki, GMİ 2011-ci ildə yaradılıb. R.İgidov 2013-cü ildən idarənin sədri vəzifəsini yerinə yetirib.