Mübariz Qurbanlı: "Qurbanlıq heyvanların ənənəyə uyğun kəsilməməsi yolverilməzdir"

Bakı. 21 avqust. REPORT.AZ/ "Azərbaycanda Qurban bayramı tarixən qeyd olunub və bu bayramda heyvanların kəsilməsi nəsildən-nəsilə ötürülən ənənələr əsasında olub. Hesab edirəm ki, bu qaydaları bilməyən kimsə yoxdur".

"Report" xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı jurnalistlərə açıqlamasında deyib.

Onun sözlərinə görə, qurbanlıq heyvanlarının kəsim qaydalarını bilməyənlərin bunu işi bilənə həvalə etməsi məsləhətdir: "Əgər qurbanlıq heyvanların ənənələrə uyğun olmayan formada kəsilməsi halları varsa, bu yolverilməzdir".