Mübariz Qurbanlı Qobustanda vətəndaşları qəbul edəcək

Bakı. 17 aprel. REPORT.AZ/ Dini Qurumlarla İş üzrə Dövlət Komitəsinin sədri Mübariz Qurbanlı Qobustan rayonunda vətəndaşları qəbul edəcək.

Dövlət Komitəsinin mətbuat xidmətindən "Report"a verilən məlumata görə, qəbul aprel ayının 21-də saat 10:00-da Qobustan şəhər Gənclər Mərkəzində (H.Əliyev prospekti.) keçiriləcək.

Görüşdə İsmayıllı, Şamaxı, Qobustan və Ağsu rayonlarının sakinləri iştirak edə bilərlər.

Qəbula gəlmək istəyən vətəndaşlar Dövlət Komitəsinin Şamaxı bölgəsi üzrə şöbəsinə müraciət edə bilərlər.